Ando Švedo si sa žuvlia ande berš akharde te keren rentgento (röntgen) po kolin (čuča). Kolinesko röntgento si akhardo mamografia. E ekseminatcia (dikhipe) bušol screening. O ghindo kusa o screening si te lel pe sama vaj si varisave parujimata so šaj te avel kolinesko cancer. Šaj te avel tut kolinesko cancer thaj te na ačares kodo. Šanša te šaščol o manuš khatar kolinesko cancer si maj baro kana arakhel pe o nasvalipe maj sigo. Screening kusa mamografia sikavel bara šanšasa mindik kolinesko cancer sigo thaj vi sige stadiumura khaj kolinesko cancer.
Uni canceroske parujimata či kerna jekh čačo nasul kolinesko cancer, numa či birij pe te phenel pe jekh kasavi buči maj angle. Anda kodo šaščarel pe sa sige canceroske parujimata sar te avilov kodol nasul. Univar šaj o screening te kerel ke manuš len žutipe khaj čačimasa či trobuj te kerel pe karing kolinesko cancer.
Mamografiaki ekseminatcia (Mammografiundersökningen) nakhel sigo. Naj musaj te keres varisavi preparatsia. Bolnitsake phenia kusa specialno edukatsia len sama pala tute tela e vizita thaj keraven e eksaminatsia.
Ande kodo akharipe so avilas tute pe švedicko šib skrij pek haj si te žas thaj savi vrama tut si. Te si kade ke či biris te žas pe kodi vrama, šaj te paruves pe jekh kaver vrama. Screening naj musaj te kerel pe te na kamel pe te kerel pe kado. Tela e vizita trobuj te les tusa čiri legitimatsia. Šaj vi te les tusa varikhas te kames te keres kodo.
Ginav maj but sar kerel pe e mamografia.