Välj region för att få mer information från 1177.se

Välj region för att få mer information från 1177.se
karta
SO ŠAJ KORKORO TE KERES ŠAVORO

Jakhengi inflamatcia khaj šavora

Ögoninflammation hos barn

Normalno si ke aven jakhenge inflamatci khaj šavora, butivar kana si jekh virusovo infektcia sar trozna. Butivar sasčol kodo tela jekh kurko bi či sosko žutipe.

Symtomo kana si jekhengi inflamatcia

Kana o šavoro las jakengi inflamatcia kerdžol e parni jakh kerdžol loli thaj xanžol. E paji so si andral ande jakh tela morči las infektcia, butivar mezij e jakh šuvli thaj ačardžol sar te avel variso ande jekh. Paša kodo mukhel čikinaslo paji, butivar si galbeno, khatar e jakh (pumb). Kado kerel ke e jakh lipij pe, maj but tetehara. Butivar si sel duj jakha nasvale.

Kana šavora len inflamatcia ande jakha khatar kaver doša. E doš šaj avel alergicno reaktcia vaj ke o šavoro dukhadas pe vaj areslas mel ande jakh. Inflamatcia si e statosko drom te kerel jekh defencia karing varisoste so dukhavel e statos.

Sar lel pe sama kana si jekhengi inflamatcia?

Te si e šavores pumb ande jakha si feri te kosel pe kodo kusa kovlo paperoši. Šuden pala kodo o paperoši te na perdžon kaver. E pumb šaj avel koslo kusa tato paji anda kranto.

Te si e šavores pumb ande jakh mištoj atunči te thovel pe butivar e jakh pajesa. Šaj vi te šon kompreso vaj variso kovlo. Atunči mukhel e pumb, thaj maj lokho avla te kosel pe.

Te kamel pe te na aven jakhenge inflamatci si atunči mišto te thovel pe e vast te si but džene paše thaj troznale. Mištoj te paruvel pe e khendevura butivar ande cini škola thaj vi khere.

Nevo bebeto/beato

Normalno si ke jekh nevo bebeto si vorta arakhadžol inkrel jekh galbeno sekreto ande jakha, e doš khaj kodo si ke e jakhenge kanalura si maj kikide sar khaj maj phure šavora. Thoven e jakh khatar e rig karing o nakh kusa jekh kompreso vaj kovlo kotor.

Šaj o šavoro te žal ande cini škola (förskolan)?

Šavora khas si jakhengi inflamatcia kusa lole jakha thaj mukhel pumb paša jekh lokho trozna, atunči či trobun te aven e šavora khere te si lenge mišto. Šavora kusa alergiake problemura ande jakha či trobun te ašon khere. Feri te si kade ke jakha lipin pe thaj musaj te koses e jakha butivar sako džes atunči si e šavores maj zurali inflamatcia. Vi te si e šavoreske mišto trobuj o šavoro te avel khere khatar e cini škola, ke kado perel, ke trobuj te tovel pe butivar e jakh. Šavoro šaj džal palpale kana e inflamatcia naj zurali thaj či mukhel pumb.

Perel lokho kaveren

Jakhengi inflamatcia nasvaravel sigo e cine šavoren ke von khelen pe but khetanes. Nasvalipe perel e šavoren kana von moren penge jakha thaj pala kodo azban khelimaske bajura thaj kavere šavoren. Školake šavora či khelen pe kade paše paša jekh kavereste numa te si zurali jakhengi inflamatcia trobun von te ašon khere.

Sar te kerav te na lel o šavoro jakhengi inflamatcia?

Te si but nasvale krujal si atunči mišto te thovel pe e vast te si but džene paše thaj troznale. Mištoj te paruvel pe e khendevura butivar ande cini škola thaj vi khere.

Rode žutipe

Butivar nakhel e jakhengi inflamatcia pa jekh kurko.

Te lel o šavoro jekh zurali jakhengi inflamatcia thaj pumbarel zurales, vaj te na nakhel e inflamatcia pa jekh kurko, trobus te les kontakto kusa o vårdcentral. Te si o vårdcentralo phandado vaj naj tut vrama trobuj te rodes žutipe pe jekh jourako žutimasko than vaj akutno žutimasko than. Jakhenge inflamatci so či nakhen pala jekh kurko šaj te lel žutipe kusa antibiotika te avel maj feder. Šaj te lel pe kontakto kusa vårdcentralen. Pala duj džes kusa antibiotika či nasvaravel e infektcia maj dur thaj o šavoro šaj džal palpale ande cini skola vaj skola.

Trobuj te rodes tela jokvareste žutipe khatar vårdcentral vaj akutno žutimaske than te si e šavores zurale problemura ande jekh jakh thaj si ghindo ke si e jakh dukhadi trobuj te lel pe sigo kontakto.

Šaj vi te vorbij pe khaj sjukvårdsrådgivningen te lel pe žutipe po numero 1177.

Ginav maj but pa trozna khaj šavora.

Till toppen av sidan