RODE ŽUTIPE

Rode žutipe te san azylanto vaj bi lilengo

Söka vård om du är asylsökande eller papperslös - romska

Vorbin 1177

Vorbin po telefonosko numero 1177 te san tu vaj varikon kaver nasvalo thaj kames te pušes jekha bolničaka phenja pa žutipe. Šaj vi te les žutimaski informatcia khaj te boldes tut thaj khaj te les kaver žutipe.

E bolničaka phenja vorbin švedicka butivar thaj vi anglišitska.

Vårdcentral vaj hälsocentral

Len kontakto kusa vårdcentralen vaj hälsocentralen kodol si žutimaske thana khaj šaj te les žutipe thaj kote si te boldes tut maj butivar anglunes kana si tuke čores.

Maj feder si te vorbij pe kote maj anglal. Te les lendar vrama pe vizira birin von butivar te arakhen tumenge jekhe tolmačos te trobuj kodo tumen. Jekh vizia koštulij maksimalno 50 kronor te san azylanto vaj bi lilengo. Butivar si pe jiva (gratis) šavorenge tjak ternenge tela 18 berš.

Akutno žutimasko than

Trade khaj jekh akutno žutimasko than (akutmottagningen) ande bolniča kana tu vaj varikhon kaver san zurales nasvale, zurales dukhado vaj te si phare psyhicne problemura thaj trobuj sigo žutipe. Akutno žutimasko thanasi phuterde intrego vrama, sako džes.

Jekh vizita koštulij maškar 120 thaj 450 koroni.

Larmosko numero 112

Vorbin po larmosko numero 112 te si varisavi dar pe manušesko trajo thaj trobuj žutipe sigo.

Tolmačo

Šaj te les žutipe khatar jekh tolmačo te si kade ke či džanes te vorbis švedicka. Žutimaske bučara žutin tut te arakhes jekhe tolmačos. Kado si pe jiva. Phen feri khaj žutimaske bučara ke trobuj tut jekh tolmačo kana rodes vrama pe jekh vizita. Šaj te dikhes pe kadi šibaki mapa te sikaves savi šib vorbis.

O tolmačo šaj te avel tumenca ande soba vaj pa telefono.

Vorbimaski konfidensia

Žutimaske bučara thaj tolmačura inkren vorbimaski konfidensia. Kodo značil ke von naštik te vorbin pa tute bi pušimastar tutar.

Kodo si tu phenes khaj žutimaske bučara či romun čiro šajipe te ašos ando
Švedo.

Ginav maj dur

Ginav maj dur pa čire šajimata te rodes žutipe vaj dandengo žutipe ando
Švedo kana san azylanto vaj bi lilengo.

To the top of the page