Kidini informatsija pa covid-19

Covid-19

Om Covid-19 - romska

O covid-19 avel anda jek viruso. E maj but anda manush kaj so nasvajen ando covid-19 nasvajven sar ando przeziebienie. Unji manush zurales nasvajen aj trubuj le zjutipe ande bolnjitsa.

O nasvalipe covid-19 avel anda jek viruso kaj inkerdzjol kaj e grupa coronavirusura.

O nasvalipe si ande bute thanende pe luma. Andakode bushol pandemia.

Alon regiona maj opre pe phatrin te les maj but informatsija pa soste dzjal kothe kaj tu san.

Läs texten på svenska här

Vaccinatsija pe covid-19

Si vaccinatsija pe covid-19. E vaccinatsija protektuli tu te na nasvajves zurales ando covid-19.

Symtomura pe covid-19

E maj bute dzjenenge o Covid-19 si sar jek normalno przeziebienie vaj gripa.

E maj but manush sastjon pala kade jek kurko. Unji manush nasvalej maj lungo vrama.

Kakal si normalni symtomura po covid-19:

  • xas
  • gorontchka
  • kirleski dukh
  • trosna vaj phandado nakh
  • parudzjilas e sunkh aj o izo
  • shereskhi dukh
  • dukhan e muskuli
  • nudzji tu
  • dukhal o pher
  • shinel tu pa pher
  • phares phurdes
  • khinjiphe

Unji zorales nasvajven

Unji manush nasvajen butesa maj zurales pala kade jek kurko. Atunchi shaj avel tuke phares te phurdes aj san zurales slabo.

O riziko maj baroj shimaj maj phuro san.

O riziko maj baroj te san maj thulo.

Vi maj baro riziko si tu kan san phari.

Unji nasvalimata shaj vi bararen o riziko te nasvajves zurales.

Le maj but manush chi trubun te len pruba pe covid-19

Vazno si te ashios khere te san nasvalo. Le maj but dzjene chi trubon te den pruba. Ginav maj but ando texto Mekh pruba pe covid-19.

Kana aj kaj shaj rodav zjutipe?

E maj but manush kaj len o covid-19 chi trubun te roden zjutipe. O nasvalipe hasajvel anda peste.

Vorbin kaj o 1177 te trubuj tu zjutipe te dzjanes so te keres. Kodol kaj vazden pe tu si pielignjarki. Von birin vi te zjutin tu kaj site dzjas te trubuja tu zjutipe.

E pielignjarki vorbin sweditska aj vi anglishanitska. Unjivar birin vi te zjutin tu pe kaver shiba.

Vorbin po numero +46 771-11 77 00 te vorbisa kathar jek themutno numero.

Te si powazno

Le odrazo kontakto la vårdcentralasa vaj jour phutherdi bolnjitsa te sito jek vaj maj but anda kakal problemura:

  • Sigo maj zurales nasvajves.
  • Phares phurdes vi kana beshes.

Dzja kaj jek akut bolnjitsa te na birisa te les kontakto la vårdcentralasa vaj jour bolnjitasa.

Kade pherel o covid-19

Covid-19 pherdzjos maj sigo kana jek manush kaj si les o nasvalipe tjixasi vaj xasal. Atunchi kerdzjon tsine kropli virusosa. Tu shaj pherdzjos te dena kadal kropli andre ande tute.

E kropli shaj ashen pe ruzni dzjelura. Kana tu azbas kadal dzjelura shaj del o viruso andre ande tute. O riziko te nasvajves kadalestar tsinoj.

Tut kaj si covid-19 shaj pheres kavre manushen vi te na atjares tu nasvalo.

Tu kaj san phari

Shaj avel tuke zurales phares te aves nasvali kana phires phari.

Tu kaj chi lan e vaccinatsija si tu maj baro risko te nasvajves zurales

O shavoro shaj arakadzjol za sigo te nasvajvesa tela dujto vrama ande chiro phripe.

Shaj avla kade ke trubuj te arakadzjol chiro shavoro kusa kejsarsnitt te nasvajvesa ando covid-19.

Vorbin kusa chiri barnmorska vaj doktori. Von birin te doradzjin tu.

E maj but phare kaj line e vaccinatsija chi nasvajven zurales.

Tu kaj des chuchi

Slobodoj te des chutji kana situ covid-19.

Birin te zjutin tu aj te doradzjin tu po bvc.

Zjutipe

Bute manuschen chi trubuj chi sosko zjutipe kana nasvajven ando covid-19. Si dzjelura kaj tu shaj keres te avel tuke maj feder.

Unji manushen trubuj zjutipe ande bolnjitsa. Tu kaj aves ande bolnjitsa shaj na primer den tu tlenjo te phurdes maj feder.

Unji manush kade zurales nasvajven ke trubuj te shon le tela respiratoro. Atunchi sovlaren len. Kado bushol intensivno zjutipe.

To the top of the page