Mukh pruba pe covid-19

Mukh pruba te situ symtomura kaj shaj aven anda covid-19.

Kathe si e normalnji symtomura:

• xas
• gorontchka
• dukh ande korr
• trosna vaj phandado nakh
• parrudzjilas e sunkh aj o smako
• shereski dukh
• dukhan e muskuli
• nudzji tu
• dukhal o perr
• shinel tu pa perr
• phares phurdes
• tjino san

Dzjin maj but pa nasvalimos ando texto Covid-19

Shaj avel vi kadja ke si te mukhes pruba te si variso anda kako chacho:

• Dikhlan tu manushesa kaj si les covid-19.
• Jek doktoro vaj pielignjarka manglas tu de mukhes pruba.

E maj bute manushen kaj so sas o covid-19 si le immuna maj tele shov shon pala nasvalimos.

Immuna si ke situ protektsija tena pherdzjos aj tena nasvajvos  pale.

Te naklas maj but sar shov shon de sar sas tu covid-19 aj san nasvalo mukh pruba.

Mukh pruba vi te lan e vaccina an san nasvalo. Dzjin maj but ando texto Vaccina pe covid-19.

Tu shaj trubusa te mukhes pruba kana aves ando Shwedo

Tu kaj sanas ande jek kaver them shaj trubusa te mukhes pruba kana aresesa ando Shwedo.

Dzjin pa soske regulura si kana trades ka Shwedo. E patrin ramome la anglishanitska.

E maj normalno pruba bushol PCR-pruba. Tu shaj bestelulis jek PCR-pruba.

E pruba les jeke spetcialno kashtorresa ando nakh vaj ande korr, vaj vi ando nakh aj vi ande korr.

Shaj atjares kado shodo ale chi dukhal.

Jek pielignjarka shaj kerel e pruba.

Shaj vi jek dzjeno te keres e pruba. Atunchi den tu maj but informatsija sar te keres.

Importanto si te beshes khere zjipun lan o atveto pa pruba.

Te sikavela e pruba ke situ covid-19 site beshes khere zjipun chi pheres. Chi pheres jush kana sa kako si chacho:

• Zurales maj mishto si tuke.
• Ma nas tu gorontchka duj dzjes aj duj ratcha.
• Nakle maj tele efta dzjes de sar so nasvajlan.

Naj tuke musaj te mukhes njevi pruba te dikhes chi maj dur pheres.

Vi manush kaj beshen tusa ando kher kam musaj te ashen khere te situ covid-19. Dzjanesa kana lesa o atveto pa pruba.

Dzjin maj but ando texto So shaj kerav me te si ma covid-19?

Te sikavela e pruba ke naj tu covid-19 site beshes khere zjipun jush maj mishto si tuke aj manaj tu gorontchka.

Importanto tuke maj dur te tsinjares e rizikura po pherdzjimos kana san sasto. Kado dzjal vi tuke kaj situ immuna. Ker kadja:

• Halav chire vas butivar.
• Na av za pashe pasha kaver manush.
• Inker le zakonura kathar le raj te tsinjares o pherdzjimos.