COVID-19

Vaccina pe covid-19

Vaccination mot covid-19 - romska

O covid-19 si jek nasvalimos kaj zurales pherel. Te les e vaccina si o maj lasjo drap pe kado te na nasvajves zurales vaj te na meres ande kado nasvalimos. E vaccina shaj vi azjutjil te tsinjarel o pherdzjimos kathar o covid-19 maskhar le manush. Anda kodo si zurales imortanto te len sar maj but dzjene e vaccina.

Person som får vaccin i armen. Fotografi.
Den tu e vaccina suvjasa ando vas.

Tjiri regiona motsol sar te dzal e vaccinatsija. Kontrolulin ke alosardan tjiri regiona maj opre pe patrin te reses vorta informatsija.

Tji putjines anda vaccina pe covid-19.

Tu alos tji kames te les e vaccina.

Du kan läsa texten på svenska här.

Kana shaj lav e vaccina?

O Folkhälsomyndigheten das e rekomendatsija kana le manush shaj len e vaccina. Maj anglal den le manushen kaj beshen ande phurenge khera, manushen save si opral e 65 bershenge aj manushenge kaj keren butji nasvale manushentsa.

Savorrenge save pherdzjile 18 bershengen vaj maj phure avla dini e vaccina te kamena la.

Vi te sas tu covid-19 si e rekomendatsija te les e vaccina.

Kaske naj e vaccina rekomendovano?

Glati aj ternimata save si 17 bershenge vaj maj terne naj lenge e rekomendatsija te len e vaccina. Vi tuke kaj san phari naj rekomendovano te les e vaccina.

De duma le doktorosa te kames te dzjanes so si aktualno tuke vaj tjira glatake.

De duma le doktoresa te sas tu maj anglal allergicno reaktsija kana lan variskoski vaccina, vaj kathar varisosko drap, vaj kathar variso so halan aj musajsas te dzjas kaj o doktoro sakodo dzjes.

Kadja dzjal kan les e vaccina

Den tu e vaccina suvjasa ando vas. Trubul te les duj suvja. E suvja tji den tu ande jek data, den le tuke tela duj ruzni dati.

Si tu tsirrutsa protektsija kathar e angluni suv. Si tu jek lasji protektsija pe covid-19 kathar e duj kurke de kathar e dujto suv.

Si tu pravo te manges e informatsija kathar e spitake manush kana les e vaccina.

Push tu te si variso kaj kames te dzjanes.

Shaj lav e vaccina kana sim nasvalo?

Te na les e vaccina te si pe tu gorntjka vaj te si tu symtomura pe covid-19.

Sar avela mange maj palal?

Shaj dukala tu o vas, vaj dukala tu o shero, vaj avesa tjino e anglune 24 tjasora pala vaccina. Shaj vi avla tuke shil, shaj vazdelape pe tu gorontjka aj shaj dukana tu le mjenstji aj le muskuli.

Naj shodo te vazdenape kasave tsinorre symtomura aj si te hasajven pala varisode dzjes.

E spitake manush si te raportulin andre kaver problemura kathar e vaccina

Naj dar kathar e vaccina?

E vaccina pe covid-19 si kontrolovano sakadja zorales sar e kaver vaccini. Bute manushen dine e vaccina aj le doktorura kaj keren butji kadalesa studulisarde e effektura.

E bare doktura anda but thema tjidepe aj kerde kadja butji te araken e vaccina. But thema aj koperatsiji pa intrego lumja thode but love pe kadja butji. Andakodo kadja fugo arakle avri aj kerde kadja vaccina.

Pe patrin Så fungerar vaccin shaj dzjines aj dikes filmura pa vaccina (sweditska).

Maj dur si te inkren e zakonura te hantsol o pherdzjimos kathar o covid-19

Si te inkres maj dur e zakunora kathar e raj vi kana lan e vaccina.

De kathar jek zji kaj le duj kurke de kathar so lan e dujto suv dzjal jipun si tu jek lasi protektsija. Sajek si jek tsinorro riziko ke shaj nasvajves vi te lan e vaccina.

Si vi jek tsinorro riziko ke shaj pheres o viruso maj dur vi te na avesa nasvalo, jek exemplo si te avla tu o viruso pe tjire vas.

Inke tji dzjanas mistho sode vramja e vaccina del protektsija.

To the top of the page