Kollektovano informatsija pa covid-19

Vaccina pe covid-19

Vaccination mot covid-19 - romska

O covid-19 si jek nasvalimos kaj zurales pherel. Te les e vaccina si o maj lasjo drap pe kado te na nasvajves zurales vaj te na meres ande kado nasvalimos.

Person som får vaccin i armen. Fotografi.
Das tut e vaccina suvjasa ando vas.

Chiri regiona motsol sar te dzal e vaccinatsija. Alon regiona maj opre pe patrin te les maj but informatsija pa so dzjal kothe kaj tu san.

Chi putjines anda vaccina pe covid-19.

Tu alos korkorro te kames te les e vaccina.

Du kan läsa texten på svenska här.

Sar te kerav te shaj te lav e vaccina?

Dzji do jek kaj pherdzjilo 18 bershengo shaj te lel e vaccina. Vi unji shavorren shaj te das e vaccina po covid-19.

Vi tuke kaj manges azylo vaj san ando Shwedo aj naj tu permitsija shaj te les e vaccina ivja. Kado si aktuallno vi tuke kaj studiulis vaj keres butchi ando Shwedo aj chi san shweditsko medborgare.

Vi te sas tu covid-19 si e rekomendatsija te les e vaccina.

Kadja dzjal kan les e vaccina

Tu les e vaccina kusa jekh suv ando vas. Site ashes 15 minutsi pala kodja kaj so dine tu e suv. Kado si te dikhen ke si tuke mishto. Le intregi suvja kaj shaj den tut. Atunchi avela tut jek lashi protektsija pe covid-19. Tu lesa e suvja ande diferentni dati.

Si jek maj lungo texto pa sode suvja ruznone manushenge shaj das: Sodivar si le rekomendatsia me te lav e vaccina? O texto si swheditska.

Push kathar le spitake manush te situ pushimata pa chiri vaccina.

Shaj lav e vaccina kana sim nasvalo?

Te na les e vaccina te si pe tu gorntjka vaj te atchares tut nasvalo. Azjuker te avel tuke pale mishto.

Sar avela mange maj palal?

Shaj dukala tu o vas, vaj dukala tu o shero, vaj avesa chino e anglune 24 tjasora pala vaccina. Shaj vi avla tuke shil, shaj vazdelape pe tu gorontjka aj shaj dukana tu le mjenschi aj le muskuli.Kado bushol biverkningar vaj chorre effektura pala vaccina aj kado si normalno.

Le chorre effektura maj butivar hasajvon pala varisode dzjes.

Zatko si te aven seriozni chorre effektura kathar e vaccina

Bute milijonura manushen dine e vaccina pe covid-19. Zatko si anda bare chorre effektura pala vaccina. Maj baro lo o riziko te nasvajves zurales ando covid-19.

Tu kaj san phari vaj des tjutchi

Tu kaj san phari shaj zurales nasvajvos kathar o covid-19. Te protektulis tut e le shavorres das e rekommendatsija te les e vaccina.

Chi kerel kshivda le shavorreske kaj si ando perr.

Shaj te les e vaccina vi kana des tjuchi.

De duma kusa chiri barnmorska te situ pushimata.

Dzjin maj but pa kana san phari aj covid-19.

Shavorrre aj vaccinatsija

Unji shavorre shaj len e vaccina po covid-19. Kado si shavorre kaj si le jek nasvalimos vaj variso kaver kaj shaj kerel te von nasvajvon zurales ando covid-19. Push tu kathar le shavorresko doktoro.

Maj anglal shaj lenas intregi shavorre kathar le 12 bersh e vaccina. Ma naj kadja jush. Zatko si ke shavorre aj terne nasvajvon zurales te lena covid-19.

Te sas tut varikana jek allergitchno reaktsija

De duma doktorosa te sas tut varikana jek bari alergitchno reaktsija aj musajsas te manges tuke azjuchimos spitatar sakodo dzjes. Kado shaj sas kathar jek vaccina, drap vaj variso so halan.

E vaccini si zurales mishto kontrolovani

E vaccina pe covid-19 si kontrolovano sakadja zurales sar e kaver vaccini. Bute baren aj shavorren dine e vaccina aj le doktorura kaj keren butchi kadalesa studulisarde le effektura. E vaccina maj dur si studiovano.

Shaj les covid-19 vi te san vaccinovano. Numa le maj but dzjene kaj line e vaccina chi nasvajvon zurales.

To the top of the page