Kollektovano informatsija pa covid-19

Vaccina pe covid-19

Vaccination mot covid-19 - romska

O covid-19 si jek nasvalimos kaj zurales pherel. Te les e vaccina si o maj lasjo drap pe kado te na nasvajves zurales vaj te na meres ande kado nasvalimos.

Person som får vaccin i armen. Fotografi.
Das tut e vaccina suvjasa ando vas.

Chiri regiona motsol sar te dzal e vaccinatsija. Alon regiona maj opre pe patrin te les maj but informatsija pa so dzjal kothe kaj tu san.

Chi putjines anda vaccina pe covid-19.

Tu alos korkorro te kames te les e vaccina.

E informatsija ando texto si vi le shavorrenge aj vi le barenge.

Du kan läsa texten på svenska här.

Sar te kerav te lav e vaccina?

Dzji do jekeske kaj pherdzjilo 12 bershengo das oferta te len e vaccina.

Vi unji shavorren de kathar le 5 bersh shaj te das e vaccina.

Vi tuke kaj manges azylo vaj san ando Shwedo aj naj tu permitsija das oferta te les e vaccina ivja. Kado si aktuallno vi tuke kaj studiulis vaj keres butchi ando Shwedo aj chi san shweditsko medborgare.

Vi te sas tu covid-19 si e rekomendatsija te les e vaccina.

Kadja dzjal kan les e vaccina

Tu les e vaccina kusa jekh suv ando vas. Site ashes 15 minutsi pala kodja kaj so dine tu e suv. Kado si te dikhen ke si tuke mishto. Le intregi suvja kaj so kamen te den tut. Atunchi avela tut jek lashi protektsija pe covid-19. Tu lesa e suvja ande diferentni dati.

Si jek maj lungo texto pa sode suvja ruznone manushenge das offerta pe: Sodivar si le rekomendatsia me te lav e vaccina? O texto si swheditska.

Push kathar le spitake manush te situ pushimata pa chiri vaccina.

Shaj lav e vaccina kana sim nasvalo?

Te na les e vaccina te si pe tu gorntjka vaj te atchares tut nasvalo. Azjuker te avel tuke pale mishto.

Sar avela mange maj palal?

Shaj dukala tu o vas, vaj dukala tu o shero, vaj avesa chino e anglune 24 tjasora pala vaccina. Shaj vi avla tuke shil, shaj vazdelape pe tu gorontjka aj shaj dukana tu le mjenschi aj le muskuli. Kado bushol biverkningar vaj chorre effektura pala vaccina aj kado si normalno kaj le shavorre aj kaj le bare kaj line e vaccina.

Le chorre effektura maj butivar si tsinorre aj hasajvon pala varisode dzjes.

Chorre effektura kathar e vaccina

Bute milijonura manushen dine e vaccina pe covid-19. Zurales xantsi si anda phare chorre effektura pala vaccina. Maj baro lo o riziko te nasvajves zurales ando covid-19.

Tu kaj san phari vaj des tjutchi

Tu kaj san phari shaj zurales nasvajvos kathar o covid-19. Te protektulis tut e le shavorres das e rekommendatsija te les e vaccina.

Naj chi sosko riziko le shavorreske kaj si ando perr.

Shaj te les e vaccina vi kana des tjuchi.

De duma kusa chiri barnmorska te situ pushimata.

Dzjin maj but pa kana san phari aj covid-19.

Shavorrre aj vaccinatsija

Vi shavorre shaj nasvajvon zurales ando covid-19, ale kado so zurales unjivar. Shavorre kaj si 12 bershenge aj maj phure andakodo shaj len e vaccina.

Su unji shavorre kaj shaj len e vaccina pe covid-19 kathar le 5 bersh. Kado si kana si e shavorres jek pharo nasvalimos. Kado shaj avel po exemplo jek pharo bukengo nasvalimos. De duma le doktorosa kaj lel sama po shavorro te dzjanes so dzjal tuke.

Individura kaj si maj terne sar 18 bershenge shaj trubul le jek voja kathar kodola kaj len sama pala lende te shaj len e vaccina. Kontaktulin varikas kothe kaj den e vaccina te kamesa te les e vaccina ale naj tut voja.

Te sas tut varikana jek allergitchno reaktsija

De duma doktorosa te sas tut varikana jek bari alergitchno reaktsija aj musajsas te manges tuke azjuchimos spitatar sakodo dzjes. Kado shaj sas kathar jek vaccina, drap vaj variso so halan.

E vaccini si zurales mishto kontrolovani

E vaccina pe covid-19 si kontrolovano sakadja zurales sar e kaver vaccini. Bute baren aj shavorren dine e vaccina aj le doktorura kaj keren butchi kadalesa studulisarde le effektura. E vaccina maj dur si studiovano.

Shaj les covid-19 vi te san vaccinovano. Numa le maj but dzjene kaj line e vaccina chi nasvajvon zurales.

To the top of the page