Covid-19
Om Covid-19 - romskaO covid-19 avel anda jek viruso. E maj but anda manush kaj so nasvajvon ando covid-19 nasvajvon sar ande przeziebienie. Unji manush zurales nasvajvon aj trubul le azjutjimos ande spita.
O nasvalimos covid-19 anklel anda jek viruso kaj so inkerdzjol kaj e grupa coronavirusura.
O nasvalimos si pe bute thanende ande lumja. Andakodo bushol pandemija.
Alon regiona maj opre pe patrin te les informatsija pa soste dzjal kothe kaj tu san.
Vaccina pe covid-19
Si vaccina pe covid-19. E vaccina del tu protektsija te na nasvajvos zurales ando covid-19.
Symtomuri pe covid-19
Maj bute dzjenenge si o covid-19 sar jek normalno przeziembienie vaj gripa.
E maj but manush sastjon pala kadja jek kurko. Unji manush nasvajvon jek maj lungo vramja.
Kakala si normalnji symtomura pe covid-19:
- xas
- gorontchka
- dukh ande korr
- trosna vaj phandado nakh
- parrudzjilas e sunkh aj o smako
- shereski dukh
- dukhan e muskuli
- nudzji tu
- dukhal o perr
- shinel tu pa perr
- phares phurdes
- tjino san
Unji zurales nasvajvon
Unji manush shaj nasvajvon butesa maj zurales pala kadja jek kurko. Atunchi shaj avel tuke phares te phurdes aj san zurales slabo.
Shi maj phuro san maj baro lo o riziko.
Shi maj thulo san maj baro lo o riziko.
Vi maj baro lo o riziko kana san phari.
Unji nasvalimata shaj vi bararen o riziko te nasvajvos zurales.
Le maj but manush chi trubun te len pruba pe covid-19
Importantno si te aves kere te san nasvalo. Le maj but djene chi trubun te len pruba. Dzjin maj but ando texto Mukh pruba po covid-19.
Kana aj kaj shaj rodav azjutjimos
E maj but manush kaj len o covid-19 chi trubun te roden azjutjimos. O nasvalimos hasajvel anda peste.
Mar kaj o 1177 te trubul tu azjutjimos te dzjanes so te keres. Kodola kaj den angle pe tu si pielignjarki. Von birin vi te azjutjin tu kaj site dzjas te trubula tu azjutjimos.
E pielignjarki den duma sweditska aj vi anglishanjitska. Unjivar birin vi te azjutjin tu pe kaver shiba.
Mar +46 771-11 77 00 te desa duma kathar jek themutno numero.
Te si powazno
Le odrazo kontakto kusa vårdcentrala vaj jour putherdi spita te situ jek vaj maj but anda kakala problemura:
- Sigo maj zurales nasvajvos.
- Phares phurdes vi kana beshes.
Dzja kaj jek akut spita te na birisa te les kontakto kusa vårdcentrala vaj jour spitasa.
Kadja pherdzjos covid-19
Covid-19 pherdzjos maj sigo kana jek manush kaj si les o nasvalimos del aptchik vaj xasal. Atunchi kerdzjon tsinorre kropli virusosa. Tu shaj pherdzjos te dena kadala kropli andre ande tute.
E kropli shaj vi ashen pe ruzni dzjeli. Kana tu azbas kodola dzjeli shaj del o viruso andre ande tute. O riziko te nasvajvos kadalestar si tsinorro.
Tut kaj si covid-19 shaj pheres kavre manushen vi te na atjares tu nasvalo.
Tu kaj san phari
Shaj avela tuke zurales phares te nasvajvosa kana phires phari.
Tu kaj chi lan e vaccina si tut maj baro riziko te nasvajvos zurales.
O shavorro shaj pra sigo arakadzjol te lesa covid-19 tela e dujto vramja ande chiro phiriphe.
Kam trubula o shavorro te arakadzjol kusa kejsarsnitt te nasvajvosa ando covid-19.
De duma kusa chiri barnmorska vaj doktoro. Von birin te doradzjin tut.
Le maj but zjejakaj si phare aj line e vaccina chi nasvajvon zurales.
Tu kaj des chutji
Voja tuke te des chutji kana sito covid-19.
Birin te azjutjin tu aj te phenen tuke so te keres po bvc.
Azjutjimos
Bute manushen chi trubul chi sosko azjutjimos kana nasvajvon ando covid-19. Si but dzjeli kaj tu shaj keres te avel tuke maj mishto.
Unji manushen trubul azjutjimos ande spita. Tu kaj aves ande spita shaj po exemplo den tu tlenjo te phurdes maj mishto.
Unji manush kadja zurales nasvajvon ke musaj te thon le tela respiratoro. Atunchi sovlaren le. Kado bushol intensivno azjutjimos.