Vaccina pe covid-19
Vaccination mot covid-19 - romskaO covid-19 si jek nasvalimos kaj zurales pherel. Te les e vaccina si o maj lasjo drap pe kado te na nasvajves zurales vaj te na meres ande kado nasvalimos.
Chiri regiona motsol sar te dzal e vaccinatsija.Alon regiona maj opre pe patrin te les maj but informatsija pa so dzjal kothe kaj tu san.
Chi putjines anda vaccina pe covid-19.
Tu alos korkorro te kames te les e vaccina.
E informatsija ando texto si vi le shavorrenge aj vi le barenge.
Te si tut pushijimata pa vakcinacija po covid-19 shaj vorbis kaj o nacijinalno informacijako numero 113 13 vaj kontaktujin chiro vårdcentral.
Sar te kerav te lav e vaccina?
Dzji do jekeske kaj pherdzjilo 12 bershengo das oferta te len e vaccina. Vi unji shavorren de kathar le 5 bersh shaj te das e vaccina.
Vi tuke kaj manges azylo vaj san ando Shwedo aj naj tu permitsija das oferta te les e vaccina ivja. Kado si aktuallno vi tuke kaj studiulis vaj keres butchi ando Shwedo aj chi san shweditsko medborgare.
Vi te sas tu covid-19 si e rekomendatsija te les e vaccina.
Vakcinacija po covid-19 ando Jönköpings län
12-15 bershenge lena vakcinacija ande shkola.
Tumen kaj sen 16 bershenge vaj maj phure lena e vakcinacija po vårdcentralen.
Te les e vakcinacija shaj:
- Zan po drop-in - atunchi naj musaj te keres tuke vramja.
- Keres tuke vramja po webben.
- Vorbisar ande chiro vårdcentral te keres tuke vramja.
Len e vakcinacija po drop-in - atunchi naj musaj te keres tuke vramja.
Unji djesa shaj aves kaj o vårdcentral te les e vakcinacija bi te keres tuke vramja, kado busholpe drop-in.
Ginav maj but pa vårdcentralenas vramja pe drop-in. (Kado texto si ando svedisko chib.)
Ker vrama po internet
Te keres vrama po internet prubul tut shvedicko personnumero. Te naj tut site vorbis kaj chiro vårdcentral te keres tuke vrama. Chi trubol tut e-legitimation te keres tuke vrama.
Te keres tuke vrama si pe shvedicko shib. Te trubul tut zutipen me translacija shaj manges varekas te zutil tut kaj zanel shvedicka.
Kana keres tuke vrama si te des anglal pe unji pushimata pa chiro sastipen, kodo bushol hälsodeklaration. E pushimata si pa alergiji vaj te sas tut reakciji maj anglal pe vakcinaciji.
Ginav maj but sar te keres tuke vrama pe vakcinacija po internet (o texto si pe shvedicko shib).
Ker vrama po telefono
Te chi biris te keres tuke vrama po internet vorbisar kaj chiro vårdcentral. Te trubul tut zutipen me translacija shaj manges varekas kaj zanel shvedicka. Te kames jhek tumacho kana si te les e vakcina phen lenge po vårdcentral kana keresa tuke vrama.
Kana avesa kaj o vårdcentral te les e vakcinacija mangena tut de des anglal pe pushimata pa chiro sastipen, kado busol hälsodeklaration. E pushimata si pa alergiji vaj te sas tut reakciji pe vakcina maj anglal.
Kadja dzjal kan les e vaccina
Tu les e vaccina kusa jekh suv ando opruno vas. Tu kaj san 18 bershengo vaj maj phurro das trin vaj shtar suvja. Tu kaj san maj terno sar 18 bershengo das duj suvja. Tu lesa e suvja ande diferentni dati.
Le intregi suvja kaj so kamen te den tut. Atunchi avela tut jek lashi protektsija pe covid-19.
Site ashes 15 minutsi pala kodja kaj so dine tu e suv. Kado si te dikhen ke si tuke mishto.
Tut kaj si jekh chorri immuna trubul jekh extra doza vaccina. Chiro doktoro si baro pe kado chi trubul tut kado.
Tu chi biris te alos che vaccina den tut.
Push kathar le spitake manush te situ pushimata pa chiri vaccina.
Trubul tut zutipen me translacija kana site les vakcinacija shaj les tusa varekas kas zanes kaj zanel shvedicsko shib. Te kames tumacho kana site les chiri vakcinacija site phenes ando vårdcentral kana keresa tuke vramja.
Shaj lav e vaccina kana sim nasvalo?
Te na les e vaccina te si pe tu gorntjka vaj te atchares tut nasvalo. Azjuker te avel tuke pale mishto.
Sar avela mange maj palal?
Shaj dukala tu o vas, vaj dukala tu o shero, vaj avesa chino e anglune 24 tjasora pala vaccina. Shaj vi avla tuke shil, shaj vazdelape pe tu gorontjka aj shaj dukana tu le mjenschi aj le muskuli.Kado bushol biverkningar vaj chorre effektura pala vaccina aj kado si normalno kaj le shavorre aj kaj le bare kaj line e vaccina.
Le chorre effektura maj butivar si tsinorre aj hasajvon pala varisode dzjes.
Chorre effektura kaj naj normalnji kathar e vaccina
Bute milijonura manushen dine e vaccina pe covid-19. Zurales xantsi si anda phare chorre effektura pala vaccina. Maj baro lo o riziko te nasvajves zurales ando covid-19.
Te si tuke zurales chores pala vakcinacija site contaktujis chiro vårdcentral te diken te trubol te keren jhek badanje, vaj si katar e vakcinacija vaj naj.
Rapportulin chorre effektura pala vaccina
Tu shaj rapportulis kaj o departamento o Läkemedelsverket te gindisa ke e vaccina das varisoske chorre effektura. E patrin ramome la shveditska.
Vi e spitake personalura rapportulin te gindina ke e vaccina das chorre effektura.
E informatsija pa kadala kaj amborim chorre effektura chidas kethane. Pala kodja dikhas sa opre chi si variso anda kado kopplovano la vaccinasa.
Phare dzjuvla aj vaccinatsija
Tu kaj san phari shaj zurales nasvajvos kathar o covid-19. Te protektulis tut e le shavorres das e rekommendatsija te les e vaccina.
Bute pharen ande lumja dine e vaccina po covid-19. Naj chi sosko riziko le shavorreske kaj si ando perr.
De duma kusa chiri barnmorska te situ pushimata.
Dzjin maj but pa kana san phari aj covid-19.
Shavorrre aj vaccinatsija
Vi shavorre shaj nasvajvon zurales ando covid-19, ale kado so zurales unjivar. Shavorre kaj si 12 bershenge aj maj phure andakodo shaj len e vaccina.
Su unji shavorre kaj shaj len e vaccina pe covid-19 kathar le 5 bersh. Kado si kana si e shavorres jek pharo nasvalimos. Kado shaj avel po exemplo jek pharo bukengo nasvalimos. De duma le doktorosa kaj lel sama po shavorro te dzjanes so dzjal tuke.
Individura kaj si maj terne sar 18 bershenge shaj trubul le jek voja kathar kodola kaj len sama pala lende te shaj len e vaccina. Kontaktulin varikas kothe kaj den e vaccina te kamesa te les e vaccina ale naj tut voja.
Te sas tut varikana jek allergitchno reaktsija
De duma doktorosa te sas tut varikana jek bari alergitchno reaktsija aj musajsas te manges tuke azjuchimos spitatar sakodo dzjes. Kado shaj sas kathar jek vaccina, drap vaj variso so halan.
E vaccini si zurales mishto kontrolovani
E vaccina pe covid-19 si kontrolovano sakadja zurales sar e kaver vaccini. Bute baren aj shavorren dine e vaccina aj le doktorura kaj keren butchi kadalesa studulisarde le effektura. E vaccina maj dur si studiovano.
Pe patrin Så fungerar vaccin shaj dzjines aj dikes filmura pa vaccina. Le textura aj e filmura shweditska le.
Shaj les covid-19 vi te san vaccinovano. Numa le maj but dzjene kaj line e vaccina chi nasvajvon zurales.