Vaccina pe covid-19

Dzji do jekeske kaj pherdzjilo 12 bershengo das oferta te len e vaccina.

Vi tuke kaj manges azylo vaj san ando Shwedo aj naj tu permitsija das oferta te les e vaccina ivja. Kado si aktuallno vi tuke kaj studiulis vaj keres butchi ando Shwedo aj chi san shweditsko medborgare.

Vi te sas tu covid-19 si e rekomendatsija te les e vaccina.

Das tut e vaccina suvjasa ando vas. Trubul tu duj suvja. E suvja den tut ande ande ruzni dati.

Site ashes 15 minutsi pala kodja kaj so dine tu e suv. Kado si te dikhen ke si tuke mishto.

Duj kurke pala agoruni suv situ jek zurales lashi protektsija pe covid-19.

Unjen shaj trubul maj but vaccina

Shaj te les jek trito doza vaccina te si variso anda kako chacho:

• Beshes ande jek spetcialno ker phurenge.
• Si tut opieka ando ker vaj saschimaski sama ando ker (hemtjänst vaj hemsjukvård).
• San 80 bershengo vaj maj phuro.

Vi tut kaj si jek zurales chorri immuna shaj trubul jek extra doza vaccina.

Chiro doktoro si baro pe kado chi trubul tut kado

Tu chi biris te alos che vaccina den tut.

Si tu pravo te manges e informatsija kathar e spitake manush kana les e vaccina.Push tu te si variso kaj kames te dzjanes.

Te na les e vaccina te si pe tu gorntjka vaj te si tu symtomura pe covid-19.

Shaj dukala tu o vas, vaj dukala tu o shero, vaj avesa chino e anglune 24 tjasora pala vaccina. Shaj vi avla tuke shil, shaj vazdelape pe tu gorontjka aj shaj dukana tu le mjenschi aj le muskuli.Kado bushol biverkningar vaj chorre effektura pala vaccina aj kado si normalno kaj le shavorre aj kaj le bare kaj line e vaccina pe covid-19.

Przevaznije tsinorre symtomura vazdenpe aj hasajven pala varisode dzjes.

Ash khere jipun situ symtomuri.

Tena hasajvena e symtomuri tela 24 tjasura trubusa te mukhes pruba.

Chorre effektura kaj naj normalnji kathar e vaccina

Bute milijonura manushen dine e vaccina pe covid-19. Si unji manush kaj pitsisarde povazni chorre effektura pala vaccina. Kado si zurales zatko. Maj baro lo o riziko te nasvajves zurales ando covid-19.

Tu shaj rapportulis kaj o departamento o Läkemedelsverket te gindisa ke e vaccina das varisoske chorre effektura. E patrin ramome la shweditska.

Vi e spitake personalura rapportulin te gindina ke e vaccina das chorre effektura.

E informatsija pa kadala kaj amborim  chorre effektura chidas kethane. Pala kodja dikhas sa opre chi si variso anda kado kopplovano la vaccinasa.

Tu kaj san phari shaj zurales nasvajvos kathar o covid-19. Te protektulis tut e le shavorres das e rekommendatsija te les e vaccina. 

Bute pharen ande lumja dine e vaccina po covid-19. Naj chi sosko riziko le shavorreske kaj si ando perr.

De duma kusa chiri barnmorska te situ pushimata.

Shavorre shaj te nasvajvon zurales ando covid-19, vi tena naj kado kadja butivar. Andakodo das oferta shavorren kaj si 12 bershenge aj maj phurrenge pe vaccina.

Bute milijonon shavorren ande lumja kaj so si opral e 12 bershenge dine e vaccina pe covid-19.

Individura kaj si maj terne sar 18 bershenge shaj trubul le jek voja kathar kodola kaj len sama pala lende te shaj len e vaccina. Kontaktulin varikas kothe kaj den e vaccina te kamesa te les e vaccina ale naj tut voja.

De duma doktorosa te sas tut varikana jek allergitchno reaktsija aj musajsas te manges tuke azjuchimos spitatar sakodo dzjes. Kado shaj sas kathar jek vaccina, drap vaj variso so halan.

E vaccina pe covid-19 si kontrolovano sakadja zorales sar e kaver vaccini.  Bute baren aj shavorren dine e vaccina aj le doktorura kaj keren butchi kadalesa studulisarde le effektura. E vaccina maj dur si studiovano.

E bare doktura anda but thema tjidepe aj kerde kadja butchi te araken e vaccina. But thema aj koperatsiji pa intrego lumja thode but love pe kadja butchi. Andakodo kadja fugo arakle avri aj kerde kadja vaccina.

Pe patrin Så fungerar vaccin shaj dzjines aj dikes filmura pa vaccina. Le textura aj e filmura shweditska le.

Si te inkres maj dur e zakunora kathar e raj vi kana lan e vaccina.

Sajek si jek tsinorro riziko ke shaj les o nasvalimos vi te lan e vaccina.