Nevo medicikano proceniba, second opinion
Ny medicinsk bedömning, second opinion - romskaTe sine manuš ko jek doktori hem te dindža pe oleske jek nasvalipaskoro odgovor kova šaj te značinel kaj manuš trebela te anel jek pharo medicikano rešenje, tegani manuše isi pravo te del pe oleske/olake jek nevo medicikano proceniba taro jek javer doktori, angleder bašo odova vakerela pe sine second opinion. O cili e neve medicikane procenibaja tano te ovel pe sigurno kaj manušeske dela pe arakhiba hem sastljariba so ka pasujnel šukar.
Pravo bašo jek nevo medicikano procenibe isi okole manuše so isi ole opasno ja pale specialno nasvalipa ja pale povreda. Ko primer manuše šaj te ovel ole pravo bašo jek nevo medicikano procenibe te isi ole/ola rako ja pale disavo nasvalipa ko nervikano sistemi.
So važinela?
Te sine manuš ko disavo doktori hem dindža pe oleske/olake jek odgovor kaj manuš i nasvalo tegani manuš trebela te anel disave rešenja bašo plo mediciniribe kola so šaj te oven phare, odoleske manuše isi pravo te del pe oleske/olake nevo procenibe kotar javer doktori a na samo kotar o prvo doktori kaste so gelo manuš. O cili e second opnionea tano manuš te ovel sigurno kaj i terapija so dela pe olake/oleske tani baš odoja so trebela te lel pe. Manuš uvek šaj te pučel ple doktore te isi manuše šaipa bašo jek nevo medicikano proceniba.
O nevo medicikano procenibe te sikadža kaj ka del pe e manušeske nevo alternativno sastljaribaskoro predlog, tegani trebela te kerel pe sa te šaj manuš te dobinel odova. Jek preduslov o sastljariba te
- ovel ko jekhipa e naučno džanibaja hem tano probimo ko arakhiba hem
- so isi ole jek koštiba, kova soj ko odnos e nasvalipaja ja e povredaja tano motivirimo.
Te mangela manuš te džal ko disavo specijalno doktori ja pale klinika ki Švedija, tegani o landsting kori soj manuš registririmo trebela te probinel te kerel odova te šaj manuš te džal odori.
Manuš šaj te kontaktirinel e pacientikane komisija ja pale e pacientikane ombudsmane ko odova landsting kori so manuš bešela kaj te del pe oleske informacija sar šaj te del pe oleske/olake jek second opinion.