REGULARIA HEM DURUSTIPA (PRAVIJA)

Tumačiba ko javera čhibja

Tolkning till andra språk - romska

Tu te na vakerea i švedikani čhib, tegani šaj te ovel tut pravo bašo tumači keda ka dikhe tut doktorea ja pale javerea ko arakhiba ja aple dandengoro arakhiba. But vare o arakhibaskoro personali poručinela tumačiba. Keda poručinea tuke poseta vaker kaj trebela tuke tumači.

""

Jekhe tumače isi ole garavibaskoro dužnost, odova značinela kaj o tumači na sminela te mukhel javerenge tutar informacija tu te na složindžan tut. I familija ja pale o amala so tumačinena nane olen garavibaskoro dužnost.

Razna (sajavera) tumačibaskere forme

Jek tumači ka tumačinel odova so vakerela o arakhibaskoro personali adžahar so tu ka haljove i informacija kaj te šaj te uticine upro tlo arakhiba(länk till patientlagen). Tut šaj te ovel tut pravo bašo čhibjakoro tumačibe keda isi tut khediba (sastanko) džikasaja taro sastipaskoro hem nasvalipaskoro arakhiba, ja pale ko dandengoro arakhiba.

Jek sastanko tumačea šaj te ovel ko razna čhanija:

  • O tumači šaj te ovel ko than ko sastanko e arakhibaskere personalea.
  • O tumači šaj te ovel ko sastanko telefonsko so isi ole zvušnikia.
  • Disavo puti o tumači šaj te tumačinel – sar so vakerela pe preko videotumačibe. Tu, o arakhibaskoro personali hem o tumači isi tumen kontakti jekhe kameraja hem kompjuterea.
  • Te sien buteder manuša so vakerena jek čhib hem ka del pe isto informacija ko isto vreme, tegani dela pe tumenge grupakoro tumačiba. Tegani o tumači tumačinela i informacija sa e grupake. Odova šaj te ovel ko primer keda poviše daja-dada arakhena pe ki čhavengiri ambolanta.

Puč e arakhibaskere personale savo tumačiba šaj te del pes tuke.

Tu šaj koristinea akaja čhibjakiri karta kaj te sikave ki savi čhib trebela tuke tumači.

Vaker e arakhibaskere personaleske

Keda ka poručine tuke vreme vaker e personaleske ko vreme kaj trebela tuke tumači. Vaker hem ki savi čhib trebela tuke odova. Obično o arakhibaskoro personali poručinela tumači.

Te našti aljan ko tlo zakažimo vreme tegani o tumači trebela te odjavinel pe. Ko disave landstingia, te na odjavindžan o tumačiba tegani korkori platinea odova. Sar odjavinela pe o tumači, nane isto ko sa o landstingia. Puč e arakhibaskere personale so poručinena e tumače soj odova so važinela.

Na prevedinena i pismeno informacija

O tumačija prevedinena samo odova so phenela pe, na pišimo teksti. Akate ko 1177.se isi informacija ko buteder čhibja, ko primer bašo čhavorikane nasvalipa hem sar funkcirinela o arakhiba.

To the top of the page