RODIBE NASVALIPASKORO ARAKHIBE

Rodibe nasvalipaskoro arakhibe te sian azilanti ja pale bilelengoro

Söka vård om du är asylsökande eller papperslös - romska

Telefonirin 1177

Te uljan tu ja pale javer džiko nasvalo hem te mangljan te puče bašo sovet (godidejbe) disave medicikane phenja, telefonirin ko 1177. Othe šaj phenela pe tuke hem kori šaj te rode arakhibe.

I medicikani phen  vakerela švedikane a but vare hem anglikani čhib.

Ambolanta ja pale sastipaskiri centrala

Te uljan tu ja pale javer džiko nasvalo ja pale khuvdo kontaktirin e ambolanta ja pale sastipaskiri centrala. Othe šaj pomožinela pe tuke komaj ko sa hem obično prvo džala pe odori.

Pošukar i prvo te telefonirine odori. Te dindža pe tuke jek vreme tegani e arakhibaskoro personali, te trebindža šaj te poručinen tuke tumač. I poseta othe koštinela 50 krune – te sian azilanti ja pale bililengoro. E čhavenge hem e ternenge teleder o 18 berš i obično bilovengoro.

Tu ja pale javerd džiko tej but nasvalo ja pale seriozno khuvdo ja pale te isi disave seriozna psihikane pharipa hem te trebela pomoč sigate, dža ko sigdumodejbe/akutno dumodejbe.

Keda džala pe odori platinela pe taro 120 dži ko 450 krune.

Alarmiribaskoro broj 112

Telefonirin ko 112 tej džikaskoro dživdipe ko opasnost hem te trebela sigate pomoč.

Tumačibe

Tu te na vakereja i švedikani čhib šaj pomožinela pe jekhe tumačeja . E arakhibaskoro personali šaj pomožinela tut te poručine tumači. Odova i bilovengoro. Mothov e arakhibaskere personaleske kaj trebela tuke tumači keda ka poručine tuke vreme. Tu šaj koristinea akaja čhibjakiri karta kaj te sikave ki savi čhib trebela tuke tumači.

O tumači šaj ovela tuja ki soba ja pale ko telefoni.

Garavibaskoro dužnost

E arakhibaskere personale hem e tumače isi olen garavibaskoro dužnost . Odova značinela kaj ola na tromana te vakeren diso tutar bizo tu te mukhe olen te vakeren.

Odova so vakerea e arakhibaskere personaleske ja pale e tumačeske na uticinela ko tlo ačhojbaskere šaipa ki Švedia.

Čitin (drabar) buteder

Čitin buteder bašo tle šaipa te rode nasvalipaskoro arakhiba ja pale dandengoro arakhiba ki Švedija te sian azilanti ja pale bililengoro.

To the top of the page