Besök 1177.se, logga in för personliga e-tjänster eller ring 1177 för sjukvårdsrådgivning.
Te dukhal manuše o kan odova i but obično sar maškar o bare adžahar maškar o tikne. Ko čhave odova ovela taro šudardipe ja pale tari kanengiri inflamacija. Ko bare odova ovela obično taro eksemi (rana) ko šunibaskoro kanali. Obično odova nakhela korkori pestar ama disavo var trebela te del pe iljačija.
Odova i obično o čhave te astaren inflamacija ko jakha, but vare keda ovena šudarde. Obično odova nakhela korkori pestar palo jek kurko bizo te koristinel pe disavo iljači.
I jag i jek kotar e teloskoro čhani te arakhel pes kotar o infekcije, kola so ovena taro virusia ja pale bakterie. E čhaven ovela lokhe jag ama na značinela kaj tegani o čhave i but nasvale. But i važno sar o čhave osetinena pes generalno.
O šudardipe i jek infekcija ko nakh, krlo ja pale ko ždrelo/mujandral. Odova ovela komaj uvek taro jek virusi. O šudardipe obično nakhela korkori pestar, ama isi disave buča so šaj te kere te ločhare o simptomija.
O čhadibe hem o diare i obična simptomia (nišania) keda e čhaven isi vogeskoro nasvalipa kova so ovela taro virusi. Akava nasvalipe obično nane opasno hem nakhela korkori pestar palo jek duj dive. Tegani važno i o čhave te pien tečnostia (panjalipa), specialno o čhave/čhaja te džana avri peste but panjalo – diare. Akava važinela angleder sa e čhavenge soj potikne taro jek berš