Tuke alo jek poziv (akharin) baši mamografija

Ki Švedija ovena vikime sa o džuvlja ko redovno kontrole hem te keren rentgeni plo kolin. Bašo kolineskoro rentgeni vakerela pe mamografija. Bašo akava dikhljariba vakerela pe screening. O cili e screeningea tano te dikhel pe dali isi disave promene so šaj te del nišani bašo čučiengoro rako. Tut šaj te ovel tut čučiengoro rako bizo te osetine diso. O šanse te oslobodine tut taro čučiengoro rako bajrona te arakhlja pes odova rano. O screening mamografiaja šaj skoro uvek te arakhel rano čučiengoro rako ama hem anglofaza bašo čučiengoro rako.

Disave rano rakongere promene nikad na ka kerdžon te oven opasna čučiengere rakija, ama odova našti te džanel pe angleder. Odoleske kerela pe sa e rano rakongere promenencar buti sar te phene tane opasna. Disavo var šaj te kerel pe screening te del pe sastljariba protiv čučiengoro rako bizo te ovel potreba.

O mamografijakoro dikhljaribe kerela pe sigate.Tu na trebela te pripremine tut. O medicikane phenja so isi olen specijalno školujbe ka keren tuja buti keda ka dža othe ko dikhljariba.

Ko odova poziv so alo tuke ki švedikani čhib terdžola kori ka dža hem savo vreme tuke rezervirimo. Te našti te dža tegani šaj dela pe tuke jek javer termini. O screening tano dobrovoljno. Keda ka dža odori tegani ka trebel tut tli lično karta (identifiribaskiri karta). Tu šaj hem te le tuja džikas odori te kerel tuke društvo.

Drabar (čitin) buteder sar kerela pe i mammografija.