Kontaktitiot Västerbottenin Hälsovalin terhveyskeskukshiin ja sairaloihin sie löyvät sivulta 1177.se. Sivu on ruottiksi.

Västerbottenin terhveyskeskuksia ja sairaloita

Sie ilmotat ittesti Västerbottenin terhveyskeskuksheen lokkaamalla sivule 1177.se. Sie tattet e-lekitimasjuunin ette tehhä sen.
Sie voit kans valita terhveyskeskuksen täyttämällä blanketin ja lähättää sen sinun valithuun terhveyskeskuksheen.

Sie voit tilata blanketin terhveyskeskuksessa eli latata alas sen klikkaamalla alla olevhaan länkhiin. Blanketti avautuu uutheen fliikhiin.

Länkki blankethiin ette valita terhveyskeskuksen (ruottiksi).
Länkki blankethiin ette valita terhveyskeskuksen.  

Sie voit vaihettaa terhveyskeskustaa kahesti vuoessa.

Kaikki terhveyskeskukset on arkipäivinä päivän aikana auki. Sie voit soittaa sinun terhveyskeskuksheen eli ottaa heihin yhteyttä lokkaamalla sisäle sivule 1177.se. (Sivu on ruottiks).

 Sie tarttet ruottalaisen henkilönumeron ja e-lekitimasjuunin ette lokala sisäle  sivule 1177. 

Jos sie sairastut illan aikana eli viikonloppuna, sie saatat soittaa numerhoon 1177.

Sielä sie voit puhut sairhaanhoitajan kans. Sitten sie saat neuvoja, kuinka hoitaa sinun vaivoja. Jos on tarvetta sairhaanhoitaja saattaa kertoa sulle, mistä sie voit hakea hoitoa.

Sie voit soittaa telefooninumerhoon 1177 ympäri vuorokauen. Jos sulla on ulkomainen numero, sie piät sen eestä soittaa +46 771-11 77 00.
Sairhaanhoitajat saattavat auttaa sinua ruottiksi eli englanniksi.

https://e-tjanster.1177.se/mvk/login/login.xhtml

Sie saatat hakea hoitoa muussa terhveyskeskuksessa kun se mihinkä sie olet ilmottanu itteästi. Se saattaa esimerkiksi olla niin sie olet muussa paikassa ja tarttet hoitoa.

Sulla jolla on suojattuja henkilötietoja, sie saatat, jos haluat, käyä missä tahansa terhveyskeskuksessa.

Jos sie siiryt, sulle annethaan se terhveyskeskus, jolla on hoijon vastuu siinä alueessa. Jos sie haluat jonku muun, sie häyt valita sen itte.

Jos sie olet aiemin valinu terhveyskeskuksen, sulla on se vieläki jäljelä, vaikka olet siirtyny.

Jos sie saat lapsen, sillon sie valittet terhveyskeskuksen sinun lapsele. Jos sie et valitte terhveyskeskuksen, sillon lapsi saapi saman kun hänen äidin eli se henkilö, joka on vastuussa lapsesta.

Sie voit vaihettaa terhveyskeskustaa sinun lapsele, aina siihen asti kun lapsi täyttää 16 vuotta.

Kun sie vierailet terhveyskeskuksessa, sie maksat käynistä yhen kostanuksen. Tätä kuttuthaan potilaskostanukseksi.
Tämä makso on sama kaikissa terhveyskeskuksissa.

Jos sie olet valinu sen terhveyskeskuksen, joka on likkiin sinun kotia, sie voit saa biitraakin Region Västerbottenilta sinun reisuile. Jos sie olet valinu muun terhveyskeskuksen, sillon sie häyt itte maksaa reisun.

Sie voit saa apua ja tukea sinun kontaktissa hoijon kans. Tätä kuttuthaan ette on vakituinen hoitokontakti. Se on yks henkilö terhveyskeskuksessa, joka esimerkiksi saattaa auttaa sinua pithään kontaktia muitten toiminoitten kans, jokka tarjoavat sulle hoitoa.

Sie voit kans saa lääkärin, jota sie aina kohtaat. Tätä kuttuthaan vakituiseksi lääkärinkontaktiksi.