Doktoritsko žutipe ando Švedo te rodel pe azylo, garudino vaj si bi lilengo, vaj te naj tut pača
Vård i Sverige om du är asylsökande, gömd eller tillståndslös – romska lovara

Skriv ut (ca 3 sidor)

Te si kade ke rodes azylo vaj san bi lilengo vaj naj tut pača ando Švedo si tut čačipe khaj doktoritsko žutipe thaj dandengo žutipe khaj či birij te žukarel. Te san tela 18 berš si tut čačipe khaj o žutipe pala sa kodol konditsi sar sa e kavere šavoren so trajin ande sa kodo landsting sar tu khaj rodes o žutipe.

Skriv ut

Sar rodav žutipe?

Sar rodav žutipe?

Te san nasvalo biris te keres jekh vizita ande jekh vårdcentral vaj and jekhh puterdo specialist žutimasko than, sar eksemplo jakhengo doktori ande savo landsting vaj regioni korkoro manges ande intrego Švedo. Atunči dikhes tut doktoresa vaj phenjasa thaj birisa te phenes čire dukha.

Univar trobuj te manges žutipe ande jekh kaver than sar pe kodo than khaj san andre skirisardo. Atunči les jekh remiso khatar o doktori. Jekh remiso si jekh skiripe khatar jekh doktori khaj bishavel jekh informasia jekhe kavere doktoroske ande kaver žutimasko than. Ando remiso skrij pe sar eksemplo sar tuke si thaj vaj san nasvalo maj anglal. Kodo žutimasko than so lel tut peste kusa o remiso akharla tut pe jekh nevi vizita.

Či trobuj tut jekh remiso te rodes žutipe ande jekh vårdcentral.

 Te trobuj tut žutipe tela jokvareste biris te džas ande jekh akutno žutimasko than thaj kote či trobuj tut remiso.

Bolničake bučara len decizia vaj trobuj tut žutipe tela jokvareste vaj na.

Fäll ihop

LMA-kartča

LMA-kartča

Kana manges žutipe si te phenes čiro anav, kana arakhadžilan thaj telefono. Si vi te sikaves čiri LMA-kartča vaj kvito ke rodes azylo te si tut jekh kasavo.

Kana rodes žutipe sar jekh azylanto si te sikaves e kartča so Migrationsverket del tut, kado bušol LMA-kartča. LMA si lagen om mottagande av asylsökande – zakono sar lel pe azylanton thaj kadi kartča si čiri legitimatsia tela kodi vrama so tu rodesazylo. Či lan inke čiro LMA-kartča si te sikaves o kvito pa kodo so počinadan kana manglan azylo kana aves.

Angluni data so rodes žutipe les jekh reserv numeri. Inker o numeri. Trobuj tut kado numeri sako data rodes žutipe. Te lan jekh reserv numero maj anglal naj musaj te phenes o anav thaj čire berš po dujto.

Fäll ihop

Sode koštulij o žutipe?

Sode koštulij o žutipe?

Khatar save berš počines anda žutipe thaj dandengo žutipe si variatsia maškar e diferentne landsting thaj regioni, feri ke maj sigo les te počines khatar 18 berš.

Kadal si čimina kana mangel pe žutipe:

  • Kana žal pekhaj doktoritsko vizita pe jekh vårdcentral anda doktoritsko žutipe počines 50 kronor.
  • Doktoritsko žutipe pala remiso počines maksimalno 50 kronor.
  • Jekh vizita, kusa remiso, khaj kaver žutipe počines 25 kronor. Kodo šaj te avel jekh vizita khaj kuratoro, bolničaki phej vaj nasvilamiski gimnastika.
  • Pe jiva si tuke so san ande jekh bolniča.
  • Medicina pe recepta počines maksimalno 50 kronor.
  • Medicina so naj ande högkostnadsskyddet, sar eksemplo hasimaski medicina, kostulij intrego čimin.
  • Preventivno žutipe, šavorenge thaj dejange, abortsia, žutipe kana si džuvli phari thaj kana arakhadžol šavoro si pe jiva.
  • Jekh žutipe khaj dandengo žutipe ando Folktandvården počines 50 kronor. Pe dujto vizita khaj dandengo žutipe počines maksimalno 50 kronor.
  • Kosti pe žutimaske buča si kaver maškar e diferentne landsting thaj regioni.

Te trobuj tut tradipe maškar e droma počines maksimalno 40 kronor.Te alosares te trades ande jekh kaver landsting počines intrego drom. Kade si vi e šavorenge thaj vi e maj phurenge.

Si jekh maksimalno granitsa sode počinel pe pe medicina pe recepta. Te si kade ke počines opral jekh suma love pe žutimaske thaj dandenge kosti thaj pe medicini biris te manges lovengo žutipe khatar Migrationsverket pe kodol ekstra love so džan opral e suma.

Te si tut jekh nasvalipe khaj perel kavere manušen thaj trobuj tut žutipe si kodo pe jiva.

Fäll ihop

Žutipe si pe jiva e ternenge thaj šavorenge

Žutipe si pe jiva e ternenge thaj šavorenge

Žutipe si normalno pe jiva kodolenge so si tela 18, feri ke ande but regioni thaj landsting biris te aves opral 18 thaj maj dur te les pe jiva žutipe. Sa dandengo žutipe si pe jiva kodolenge so si tela 18 berš.
Žutipe si si pe jiva si pe eksemplo:

  • pe ternikane thana (ungdomsmottagningar)
  • vårdcentraler
  • bolnitsi
  • Folktandvården (dandengo žutipe).

Žutipe ande jekh akutno žutimasko thaj šaj te kostulij vaj te avel pe jiva thaj kodo si katar sako landsting thaj regioni khaj san.

Jekh šavoro khaj si nasvalo kusa jekh nasvalipe so perel kaveren thaj trobuj te lel žutipe lel kado pe jiva.

Fäll ihop

Čačipe khaj tolmačo

Čačipe khaj tolmačo

Te si kade ke či ačares e švedicko šib si tut čačipe te les žutipe khatar jekh tolmačo -språktolk kana san pe jekh žutimasko than vaj khaj o dentista. Kado si pe jiva. Tu vaj o manuš so žutij tut si te mangel kado angla e vizita. Tolmačo šaj te avel tusa tela e vizita vaj po telefono.

E bučara porunčin vaj trobuj jekh tolmačo thaj von alosaren jekhes. Te si tut problemo te šunes vaj te vorbis dikhesl pe khaj kodo thaj zumavel pe te arakhel pe jekhe tolmačos. Maj feder te lel pe tolmačon so keren kadalesa buči sar te avel varikhon sar tolmačo. Te anes tusa jekhe tolmačos naj musaj te počinel pe anda kodoleski buči.

Trobuj tut jekh tolmačo? Sikav kado patreto e personaleske.

Zakono te na phenen e bučara e buči maj dur

E žutimaske bučaren thaj e tolmačon si zakono te na phenen e buči maj dur - tystnadsplikt.
Kodo značil ke lenge naj slobodo te phenen vaj te den avri informatsia pa tute te na kamesa kodo vaj te na dan slobodia pe kodo.

Fäll ihop

Sastimaski eksaminatsia pe jiva šavorenge thaj maj phurenge

Sastimaski eksaminatsia pe jiva šavorenge thaj maj phurenge

Sa khaj roden azylo bare thaj šavoro si te birin te len sastimaski eksaminatsia thaj te avel kodo pe jiva. Sastimaski eksaminatsia si te avel dino sar maj sigo pala pala kodo ke o manuš areslas ando them. Te san bi lilengo thaj garudžos si te les žutipe pe jekh sastimski eksaminatsia.

Pe sastimaski eksaminatsia si te maladžos jekha bolnitsako phej khaj si spesialitska pe kodo. Voj kerel jekh eksamina pe čiro sastipe, lel prubi thaj te dikhel vaj si tut nasvalimata khaj peren kaveren thaj del tut informatcia sar o žutipe funktsionulij. Kado kerel pe te biris te les kodo žutipe so tut trobuj.

Fäll ihop
Skriv ut (ca 3 sidor)
Senast uppdaterad:
2016-11-11
Redaktör:

Redaktori: Ingemar Karlsson Gadea, Maud Cordenius, 1177 Vårdguiden

Granskare:

Roditori: Olle Olsson, bučari po avdelningo požutipe (Avdelningen för vård och omsorg), Sveriges Kommuner och Landsting. Stockholm

Fotograf:

Fotografo: Juliana Wiklund