Dhimbje veshi te fëmijët
Ont i örat hos barn

Çka mund të bëni?

Çka mund të bëni?

Dhimbje të shpeshta natën

Fëmijët që kanë rrufë (janë ftohur) mund të kenë dhimbje në vesh pasi që membrana mukoze në vesh u ënjtet. Ata poashtu mund të kenë dhimbje edhe nga ndonjë varrë e pezmatuar në vesh të mesëm, inflamacion veshi. Edhe ftohja edhe inflamacioni i veshit janë sëmundje të zakonshme infektuese te fëmijët. Fëmiu shpesh zgjohet natën nga dhimbjet pasi që ënjtja në vesh rritet edhe më shumë në pozitë të shtrirë. Ata mund të ndjejnë lehtësim nëse flejnë me ndonjë jastëk më shumë nën kokë. Kjo vlen sidomos për fëmijë pak më të moshuar të cilët në shtrat flejnë palëvizshëm.

Tjera probleme që mund të shkaktojnë dhimbje në vesh janë pezmatim në vrimën e dëgjimit që shpie te timpani, mbledhje të dyllit ose probleme me nyje të nofullës.

Inflamacioni i veshit godet veshin e mesëm

Inflamacioni i veshit godet shpesh veshin e mesëm dhe është jetëshkurtër. Përveç dhimbjes në vesh fëmijës mund t’i duket se ka një kapak në vesh dhe ka dëgjim të dobësuar.  Temperatura është poashtu e   zakonshme. Ndodh që nganjëherë timpani të pëlcasë dhe një lëng del jasht në vrimë të dëgjimit. Atëherë dhimbja zvogëlohet. Fëmijët mund të kenë inflamacion veshi edhe pa patur dhimbje.

Ilaçe për qetësim të dhimbjeve

Ndaj dhimbjeve mund të përdoren ilaçe për qetësim të dhimbjeve dhe ulje të temperaturës të cilat mund t’i bleni edhe pa recetë. Para se t’i ipni ilaçe fëmijëve që nuk i kanë mbushur gjashtë muaj është mirë që më parë të këshilloheni me ndonjë infermiere ose mjek.

Për fëmijë të moshës mbi tremuajshe ka ilaçe për qetësim të dhimbjeve dhe ulje të temperaturës që përmbajnë paracetamol, si për shembull Alvedon dhe Panodil. Pasi të kenë mbushur gjashtë muaj fëmijëve mund t’u ipet edhe Ipren, që mund t’i bleni pa recetë dhe që përmban ibuprofen. Ilaçet mund t’i gjeni në formë të lëngtë ose të pilula që përdoren në zorrë të trashë  me dozë të përshtatshme për fëmijë. Për fëmijë më të vjetër ka edhe tableta. Në paketim mund të gjeni instrukcione të detajuara mbi përdorim të ilaçeve.

Fëmijë të moshës nën 18 muajshe e që kanë ethe nuk bën të përdorin ilaçe për qetësim të dhimbjeve dhe për ulje të temperaturës që përmbajnë acid acetilosalicik, si për shembull Magnecyl, Treo dhe Albyl, nëse vetë mjeku nuk u ka rekomanduar ato.

Sprej hunde

Spreji kundër ënjtjes në hundë zvogëlon zënjen në hundë dhe i lehtëson frymëmarrjen fëmiut. Nuk është ndërkaq e vërtetuar nëse spreji i hundës mund të ndihmojë edhe kundër inflamacionit të veshit.

Mund që do t’u duhet të kontaktoni entin shëndetësor

Fëmijët mund të kenë dhimbje të përkohshme veshi kur të kenë rrufë (ftohje). Mirëpo nëse dhimbjet nuk i kalojnë atëherë fëmiu duhet të kontrollohet në shtëpi shëndeti ose repart tjetër kujdestar brenda 24 orësh. Nëse fëmiu është i plogësht, nuk mund të luajë dhe nuk do të pijë ose është më i ri se gjashtë muaj ju duhet që menjëherë të kontaktoni entin shëndetësor.

Ju duhet poashtu të kontaktoni shtëpinë e shëndetit nëse fëmijës i rrjedh lëng nga vrima e dëgjimit – pavarësisht nëse fëmiu ka ose nuk ka dhimbje.

Fäll ihop
Skriv ut
Publicerad:
2011-06-21
Skribent:

Autor: Elin Åkerblom, infermiere, Stockholm

Granskare:

Kontrollues: Leif Ekholm, pediatër, Shtëpi shëndeti për fëmijë, Örebro