Thov e dand khaj e šavora
Borsta tänder på barn – romska lovara

Skriv ut (ca 2 sidor)

Aba kana avel jekh dand khaj o šavoro si mišto te lel pe e tojimasa pe dand. Te sičol o šavoro kadalesa sigo džala maj feder kadalesa e šavoreske maj anglal.

Skriv ut

Khaj šavora so si ži khaj duj berš si e buči maj anglal te sičol o šavoro te avel les jekh štotka dandengi ando muj. Kana avel o angluno dand si te tovel pe e dand regularne. Žhi pun avel avri o dand anda thara xanžon e thara thaj atunči šaj te avel mišto te dindalel o šavoro pe varisose thaj atunči, sar eksemplo pe štotka tandengi.

Thoven e šavoreske dand duvar ande džes. Tetehara, maj feder pala xabe, thaj žhi pun džan te soven pe račate.

Läs texten på svenska här.

Štotka dandengi thaj pasta

Štotka dandengi thaj pasta

Le jekh štotka  khaj si tsini thaj kovli. Alosar jekh pasta khaj naj kade zuralo ande smako. Si pasti so si bi smakosko thaj či mukhen spuma. Mangen žutipe khatar tumaro dentista.

Kana e šavoreske anglune dand aven dostaj te šol pe eksera pasta pe štotka, či trobuj te avel maj but sar e vundža po tsino najoro.

Važnoj te avel flour ande pasta dandengi, khaj zurarel e dand. Kana thovel pe e dand tetehara thaj pe račate zurarel kado te na aven e šavoren gropi ande dand. Si diferentne pasti khaj si maj but vaj maj tsera flour khaj si kerde pala šavorenge bersh. Roditora ande intrego ljuma phenen khetanes ke o flour si važno te aven e dand saste thaj zurale.

Fäll ihop

Pašlar e tsine šavoren

Pašlar e tsine šavoren

Šaj te thoves e dand pe tsine šavora kana von pašlon. Lengi tojimaski mesala šaj te avel jekh lašo than. Šaj vi te pašlol ando pate, maj feder e šeresa ande čire čanga. Te pašlol o šavoro šeresa ande čiri čang atunči si maj lokho te dikhel pe andre ando muj thaj te thovel pe e dand so si žhi palal, thaj kado či kinjarel e šavores.

But šavora putren o muj automaticne kana pizdes jekh naj ande lengo muj paša pofa.

Arakh jekh laši pozitsia

De khatar e šavoreske štar žhi khaj panš berš birin von te tordžon kana thoven von penge dand. Tu bešes paša lende thaj mukhes te inkrel o šavoro pesko šero lokho palal pe čiro piko thaj vast. Univar si maj feder te bešel o šavoro ande čire čanga.

Biris maj lokho te dikhes ando muj te pizdes andre jekh vaj duj naja ando muj paša pofa thaj tsirdes ekcera o muj.

Mištoj te sitčšol o šavoro sigo te thovel peske dand, feri vi kade trobuj o šavoro žutipe kdalesa žhi khaj e deš – dešuduj berš, univar maj but berš. Kana o šavoro si karing šov berš aven e neve dand thaj kodolen trobuj ekstra žutipe.

Fäll ihop

Thov tsine miškimatonca

Thov tsine miškimatonca

Thov intrego dand žhi ande tharesko kanto. Miškin e štotka angle thaj palpale ande righ ande dandengi righ, kusa tsine miškajimata, dand pala dand. Šaj te zumaves te inkres e štotka sar jekh karandaši te avel maj kovles. Thov pala kodo pa dujto rig e dand, andral thaj opral khaj dindales.

Kana thoves e dand andral pe dand so si anglal, inker e štotka vorta avri. Inker kade te aresel e štotka khaj e thara. Na kikide za zurales thaj ker tsine miškajimata intrego vrama.

Mukh e šavores te mukhen e spuma maškar e dand

Khatar šov berš si mišto te agorij pe o tojipe kana o šavoro mukhel e pastaki spuma maškar peske dand kuda paji. Pala kodo či trobuj o šavoro te xalavel peske dand pajesa.

Elektronicno štotka

Biris te des e šavores elektronicno štotka khatar trin berš. Jekh elektronicno štotka thovel tele maj but mel sar jekh normalno štotka, feri ke musaj te inkres kaver teknika sar kana thoves kusa jekh normalno štotka. Lašo ghindo si te džas kusa e elektronicno štotka khaj dentista te birin von te sikaven sar te thovel pe e dand kodolesa.

Šavoren trobuj žutipe kana thoven dand kusa elektronicno štotka žhi khaj deš- dešuduj berš. Unie šavorenge si maj lokho te thoven penge dand kusa elektronicno štotka ke kodoles si jekh maj tsino tojimasko šero.

Kana si jekh tsino tojimasko šero či aresel dosta pasta dandengi. Atunči trobus te šos pasta anglunes kana thoves opral e dand thaj pala kodo te šos pale pasta kana si te thoves e dand telal.

Fäll ihop

Naj mindik lokho te thovel pe dand khaj e šavora

Naj mindik lokho te thovel pe dand khaj e šavora

Važnoj te zumaven te thoven e dand regularno e šavorenge. Univar šaj kado te avel phares, atunči šaj te šos pasta pe čiro naj thaj te makhes e najesa e pasta pe lenge dand. Jekh kaver drom si ke mukhes e šavores anglunes te thovel korkori thaj pala kodo thoves tu e dand.

Butivar si kade ke e šavora zumaven pengi zor. Trobuj zor ande kasavi situatsia te avel o tojipe jekh rutina vi te keren e šavora protestura thaj či kamen te thoven penge dand.

Fäll ihop
Skriv ut (ca 2 sidor)
Senast uppdaterad:
2016-08-11
Redaktör:

Redaktori: Ingemar Karlsson GadeaMaud Cordenius, 1177 Vårdguiden

Granskare:

Roditori: Helen Isaksson, övertandläkare, Folktandvården, Region Jönköpings län